Amma's Life and Spirituality

இறைசக்தியின் அவதாரம் என்பது மாய வித்தைகள் போல் நிகழ்வதில்லை. படைப்புகளின் ஒட்டுமொத்த சொரூபமான அன்னையின் இறை உணர்வு அந்த படைப்புகளின் பரிணாமத்திலேயே வெளிப்பட்டு நிற்கிறது.

அவ்வாறாக வெளிப்பட்ட ஏக இறையுணர்வு எளிய மனிதராக நம்மில் ஒருவராக அரசு ஆகவும் அன்னபூரணி ஆகவும் தனித்தனி உயிர்தன்மைகளாக இங்கே மனிதபிறவி எடுத்தனர்.. இருவரும் வெவ்வேறு ஊர்களில் பிறந்து வளர்ந்து ஒருவருக்கொருவர் எந்த சம்பந்தமும் இன்றி வாழ்ந்து வந்தனர். சாதாரண மனிதர்கள் போலவே சமுதாய சட்ட திட்டங்களுக்கு உட்பட்டு துளியும் விருப்பமில்லா தனி தனியான இல்லற வாழ்வை மேற்கொண்ட இருவரும் 2009ம் ஆண்டு சந்தர்ப்ப சூழ்நிலையில் முதன்முதலில் ஒருவருக்கொருவர் சந்திக்கின்றனர். அந்த சந்திப்பிலேயே அவர்கள் இருவருள்ளும் ஓர் இணையற்ற ஈர்ப்பும் ஜென்ம ஜென்ம பந்தமும் உணர முடிகிறது. அன்று முதல் ஈருடலாய் வாழ்ந்த அரசு அய்யாவும் அன்னபூரணி அம்மாவும் ஓருணர்வாக உணர தொடர்கின்றனர். தங்களுக்கு பிடித்தமில்லா இல்லற வாழ்வை விடுத்து தங்கள் உணர்வுக்கு மதிப்பளித்து இருவரும் 2010ம் ஆண்டு நவம்பர் 28ம் நாளன்று திருமணம் செய்து இல்லற வாழ்வில் இணைந்தனர்.

தங்கள் இருவரையுமே உள்நின்ற இறை உணர்வே இயக்குகிறது என்பதை நன்கு உணர்ந்திருந்தனர். இடைப்பட்ட நாட்களில் தங்கள் உணர்வு வழிநடத்தியது போல் ஓர் தொலைக்காட்சி நிகழ்ச்சியில் பங்கேற்று நிறைய வேதனைகளை அனுபவித்தனர். ஆனாலும் இந்த அவதார நோக்கத்தை வெளிப்படுத்தும் கருவியே இந்த நிகழ்வு என்பதை அப்பொழுதே இருவரும் உணர்ந்து அதையும் கடந்து தங்கள் வாழ்வை ஆனந்தமாக வாழ்ந்தனர். இப்படி இருவருக்கும் நிறைய சோதனைகளைக் கொடுத்த இறைசக்தி அரசு ஐயா அவர்களுக்கு 2016ம் ஆண்டு இயற்கை ஒலி(ளி ) என்ற ஆன்மீக பொக்கிஷத்தை பரிசாகக் கொடுத்தது . அன்று முதல் அரசு ஐயா அவர்கள் தன்னை நாடி வருவோர்க்கு ஆன்மீக தீட்சை கொடுத்து அவர்களை வழிநடத்தினார். பல வருடங்கள் பயிற்சி செய்து பெற முடியாத ஆன்மீக அனுபவங்களான குண்டலினி, வாசியோகம், சக்கர அனுபவங்கள், ஆயிரம் தாமரை இதழ் மலர்தல், உயிர்தன்மை உடலை விட்டு வெளியேறுதல் போன்ற பல அனுபவங்களை சில நாட்களிலேயே தன் சீடர்களுக்கு அனுபவமாக்கினார்.. நாளடைவில் நிறைய பேர் ஐயாவிடம் ஆன்மீக தீட்சை எடுத்துக்கொண்டனர். இப்படிப் போய்க்கொண்டிருக்கையில் 2019ம் ஆண்டு பிப்ரவரி 10 ம் தேதி அரசு ஐயா அவர்கள் தன் உடலை இயற்கையிடம் ஒப்படைத்தார்.

சீடர்களுக்கோ இந்த திடீர் இழப்பு தாங்க முடியாத துயரம் என்றால் அன்னபூரணி அம்மா அவர்களுக்கு சொல்லவா வேண்டும்..ஈருடலும் ஓருயிருமாய் வாழ்ந்த இருவரில் அய்யா அவர்களின் இழப்பு அம்மாவை வாட்டி வதைத்தது...அந்த சூழ்நிலையிலும் அம்மா அவர்கள் நிறைய சோதனையை எதிர்கொண்டார்கள்.... இந்த சூழ்நிலையில் ஐயா உடலை விட்ட அடுத்த நாளே ஐயா அவர்களின் உயிர்தன்மையும் அன்னபூரணி அம்மா அவர்களின் உயிர்தன்மையும் இரண்டறக்கலந்து அன்னபூரணி அரசு அம்மாவாக ,ஏக உணர்வாக,சக்தி வடிவாக உருவெடுத்தார்...

அதே நேரத்தில் சீடர்களுக்கும் தியானத்திலும் கனவிலும் அம்மாவே இனி வழி நடத்துவார் என்று உணர்த்தப்பட்டது. அடுத்த நாளே சீடர்களுக்கு அம்மாவிடம் இருந்து அழைப்பு வந்தது. சீடர்களுக்கு பயிற்சியை தொடருங்கள் நான் இருக்கிறேன் என்று...அம்மா அவர்கள் தீட்சை கொடுக்க ஆரம்பித்தார்.. சீடர்களை வழிநடத்தினார்...ஆன்மீக அனுபவங்கள் முன்பை விட அதிகமாகவும், விரைவாகவும் கிடைத்தது..சீடர்களுக்கோ ஆச்சர்யம்..ஆம் அரசு அய்யாவின் உயிரும் அம்மா அவர்களின் உயிரும் ஏக உணர்வாக இரண்டறக்கலந்து வெளிப்படுவதை சீடர்களால் அனுபவ பூர்வமாகவே உணர முடிந்தது..